Filip Najdovski këtë sezon e nisi si kapiteni i Tiranës, i cili do të udhëhiqte bardheblutë drejt rezultateve pozitive në kampionat dhe Kupë. Por tashmë mbrojtësi maqedonas ka hequr dorë nga një përgjegjësi e tillë.
Në ndeshjet e fundit që Tirana ka luajtur, shiriti i kapitenit ka qëndruar në krahun e Erjon Hoxhallarit. Mbrojtësi do të jetë tashmë lideri i kryeqytetasve, i cili ka marrë përsipër të çojë bardheblutë drejt rezultateve pozitive.
Najdovski mesa duket nuk do të jetë as zëvendëskapiten, pasi pas daljes me karton të kuq të Hoxhallarit në duelin me Skënderbeun, shiriti kaloi menjëherë në krahun e Kristal Abazajt. Nuk dihen ende arsyen që pse stafi i Tiranës ka vendosur për një lëvizje të tillë dhe pse Najdovski hoqi dorë nga kjo përgjegjësi.
Kujtojmë se ndeshja e fundit kur Najdovski ka luajtur me shiritin e kapitenit në krah është derbi i kryeqytetit mes Tiranës dhe Partizanit të zhvilluar në “Air Albania” më 3 dhjetor. Kjo përballje në fund do të mbyllej në shifrat 1-1.
Lexo gjithashtu
