Teuta ditën e sotme shkarkoi Diego Longon për shkak të rezultateve negative. Durrsakët duket se kanë gati zëvendësuesin e Longos. Në stolin e “Djemve të Detit” pritet të rikthehet për herë të 5-të trajneri i njohur, Edi Martini.
Timonieri shkodranë është trajneri më i suksesshëm për durrsakët, të cilët ia kanë dalë të fitojnë 4 trofe nën urdhrat e Martinit. Drejtuesit besojnë se vetëm Martini mund të rikthejë Teutën te rezultatet pozitive, pasi është një trajner që e njeh mirë ambientin durrsak.
Sipas “SuperSport” 48-vjeçari pritet që së shpejti të zyrtarizohet në stolin e Teutës. Martini ka fituar një titull kampion, një Kupë Shqipërie dhe dy Superkupa me Teutën .
