Pavarësisht se ka kryer një merkato intensive për të qenë pretendente për titullin kampion, Tirana duket larg nivelit të duhur për të rivalizuar për trofeun. Në dy takime bardheblutë kanë vuajtur shumë për të gjetur golin dhe për këtë problem vetë tekniku i kryeqytetasve Ze Maria është i ndërgjegjshëm se duhet përforcim. Megjithëse bardheblutë sollën në ditën e fundit të merkatos një sulmues nga një klub me emër ata do të përballen me probleme në repartin ofensiv në të ardhmen. Anglezi Michael Ngoo do të rikthehet vetëm në muajin tetor. Yunus Sentamu nuk do të jetë në dispozicion të kryeqytetasve pas ndeshjes me Kukësin pasi është thirrur nga kombëtarja e Ugandës. Përsa i përket formacioni të sotëm Ze Maria pritet ta nisë takimin thuajse me të njëjtin rreshtim që pati takimin e fundit me Teutën. Sentamu kthehet në vend të Gideon Ofeit. Ndërkohë që prëbërja e plotë ka gjasa të jetë: Abibi, Kërçiku, Turtulli, Atinga, Hoxhallari, Maveje, Hasani, Cobbinah, Karabeci dhe Blazhevski. Takimi luhet në "Loro Boriçi" nesër në orën 19:45.
Lexo gjithashtu
