Rei Manaj ka folur për herë të parë si pjesë e Pescara-s, skuadër që do të militojë në Serie A sezonin e ardhshëm. Djaloshi lushnjar është huazuar nga Inter te skuadra tjetër ku luan Ledjan Memushaj, ndërsa pritet që të aktivizohet më tepër se te zikaltërit. Manaj e ka cilësuar kalimin te Pescara si rast që duhet shfrytëzuar, ndërsa e pret me padurim aktivizimin.
[caption id="attachment_14467" align="alignleft" width="300"]
Rei Manaj kryen vizitat mjekësore te Pescara[/caption]
“Pescara është një rast i madh, që duhet shfrytëzuar më së miri, sepse dua të shpërthej në Serinë A. Po pres me padurim të tregoj sa vlej. Jam i ri, është e vërtetë, por kjo nuk duhet të jetë një alibi: jam i vetëdijshëm që duhet të përmirësohem, por i di cilësitë e mia. Nga ‘Primavera’ në futbollin e madh është një kërcim goxha i rëndësishëm, por nuk kam frikë".
“Do të përpiqem të fitoj menjëherë besimin e trajnerit, shokëve dhe natyrisht tifozëve, që në Pescara janë shumë të zjarrtë, më kanë thënë. Është pikërisht tifozeria që më duhet, sepse ambiente të nxehta më japin një karikim të madh".
“Shpresoj të mos i zhgënjej pritshmëritë. Unë Lapadula i ri? Ngadalë, do thoshit ju. Unë duhet thjesht të punoj. Karakteristika ime më e rëndësishme? Personaliteti. Kujt dua t’i ngjaj? Vetvetes, pas 10 vitesh. Shpresoj që atëherë të kem bërë një karrierë të bukur. Te Pescara mund të vijnë sulmues të tjerë? Më pëlqen të kem rivalitet, po të doja një vend të garantuar në formacion do shkoja në Lega Pro”, thotë Manaj për "PescaraSport24".
Lexo gjithashtu
