Partizani dhe Tirana dhuruan një derbi të bukur. Atëherë kur sfida po shkonte drejt barazimit, Çinari i jep fitoren minimale të kuqve (1-0). Bardheblutë tentuan të reagonin por e kishin gati të pamundur për aq minuta sa kishin mbetur. Në fund të sfidës, për mikrofonat e Supersport foli trajneri i Tiranës, Nevil Dede.
“Çdo njeri e shikon sipas vështrimit të tij. Falëm një ndeshje dhe e falëm për shumë arsye. E kishim topin në zotërim dhe i jepnim topin kundërshtarit. Në pjesën më të madhe, e dominuam ndeshjen dhe e vumë në vështirësi rivalin. Patëm disa momente të vështira nga krahët. Është një ndeshje që nuk mund të thuash shumë gjëra. Kjo humbje është pak e çuditshme, e të le një shije jo të mirë. Në të tilla situata, duhej të menaxhonim më mirë.
Ne kemi kualitete në ekip. Dy sulmuesit që kemi marrë na japin më shumë forcë. Ekipi mund të dalë dhe mund të ketë më shumë forcë. Seferi bëri mirë, unë jam i kënaqur me të. Besoj se i përballoi mirë minutat.
Muçi- Seferi gjtihmonë titullar? Varet nga forma që po kalojnë. Ata kombinojnë mirë dhe janë një dyshe interesante. Ne kemi dhe blerjen e re. Besoj se kjo ka qënë ndeshja më e mirë që kemi zhvilluar. Shifrat dhe statistikat të japin drejt të flasësh, por rezultati mbahet mend. Arbitrat janë pjesë e lojës. Tirana me Bathën u penalizua shumë. Ne e kemi ndërtuar strategjinë tonë nëpërmjet Bathës. Po të ishim treguar më altruist, mund t’a zgjidhnim ndeshjen.
Seferi ka pak kohë më ne. Duhet të përshtatet. Mendoj se do bëjë më mirë. Titulli? E vështirë pasi duhet të presësh se kush do gabojë. Besoj se javë pas jave do rikuperojmë pikë. Diferenca tani është e madhe. Besoj se ka dhe shumë javë përpara. Duhet të shënojmë më shumë. E mira nuk ka fund. Kur të rikuperojmë Çelhakën dhe Kale, atëherë është një skuadër e fortë. Do të jemi të përqëndruar dhe të qetë për të zhvilluar një 90 minutësh. Kam mësuar nga futbolli që i vogël, që mbi të gjitha duhet të përcjellim mesazhe që është “Fair Play”. Rezultati është gjithmonë në plan të dytë ” – tha Dede.
Loading ...
