Juventusi nuk ka ndërmend të ndalet. “Zonja e Vjetër” mbrëmjen e djeshme ia doli të mposhtë kampionët në fuqi për të marrë kreun e Serie A. bardhezinjtë fituan 1-0 ndaj Napolit në “Allianz Stadium” duke konfirmuar kështu edhe momentin e mirë që po kalojnë.
Pas triumfit me napolitanët, Missimiliano Allegri do të deklaronte se skuadra e tij bëri një ndeshje fantastike dhe tashmë është një skuadër e ekuilibruar dhe është e përuluar në fushë. Kjo bën që skuadra të arrijë të triumfojë.
“Pas kësja fitoreje e kemi lënë Napolin 12 pikë mbrapa, është diçka shumë domethënëse dhe e rëndësishme. U treguam si një shkëmb në momentet e vështira të ndeshjes, duhet të vazhdojmë kështu, të përulur dhe të ekuilibruar. Duhet të mendojmë vetëm për të tashmen dhe se si mund të përmirësohemi.
Ende gabojmë në disa momente, por e rëndësishme është që sërish qëndrojmë në lojë. Kjo është shenjë pjekurie. Pjesa e parë dhuroi emocione nga të dyja krahët, ndonjëherë duhet ta ngadalësojmë dhe ta luajmë ndryshe topin. Luanim kundër një skuadre të fortë dhe që në Itali ka zotërimin më të lartë të topit. Iu përshtatëm ndeshjes pasi duhej të tregoheshim efikas dhe praktik pasi në fund ai që vlen është rezultati.
Gatti dhe Vlahovic? Gatti para tre vitesh luante në Lega Pro dhe kjo do të thotë se ka bërë hapa gjigand, këtë e tregon goli. Mos mendoni që ai gol nga Gatti ishte rastësi. Kemi folur shumë me të gjatë javës, ai duhet të përmirësohet në mbrojtjen jashtë dhe brenda zone. Por, e di që me kohën do t’ia dalë ashtu si edhe gjithë të tjerët.
Vlahovic bëri një ndeshje të mirë dhe e zëvendësova prej disa shqetësimeve. Punoi shumë dhe nëse mbrojmë mirë, kjo vjen sepse mbrojtja fillon nga sulmuesit”, deklaroi Allegri.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
