Penalltia që do të mbahet mend gjatë në futbollin shqiptar, sidomos në kampin e Tiranës. Në Rrogozhinë, Tirana u ndal nga Bylisi me ballshiotët që barazuan me anë të një 11-metërshi që më pas solli kaosin në fushë.
Ish-gjyqtari i njohur, Klajdi Kola, i ftuar i përhershëm në panelin e Rubrikës Sportive, ka bërë moviolën në këtë episod. Sipas tij është vendim i saktë i Kridens Metës dhe e shpjegon në këtë mënyrë:
[caption id="attachment_694697" align="alignnone" width="300"]
Ish-gjyqtari Klajdi Kola[/caption]
“Ky rast është penallti. Behiratche nuk interesohet për topin por shkon direkt për të bërë kontakt me kundërshtarin. Sesdai lehtë atë e vlerëson arbitri. Duket një shtyrje e mbrojtësit kundrejt sulmuesit. Nëse këtu nuk kishim shtyrje, atëherë sulmuesi i Bylisit mund të vihej në zotërim të topit. Kjo ndërhyrje është faull në çdo pjesë të fushës.
Sistemi VAR nuk ndërhyn në këtë rast pasi ndërhyn vetëm në rastet bardhezi. Kridens Meta e ka vlerësuar këtë rast dhe ka dhënë informacion për dhomën e VAR, kaq mjafton. Largësia e Metës ka ngritur dyshime por ai ka eksperiencë dhe ka dhënë penallti”, sqaroi Kola.
Lexo gjithashtu
