Dijar Nikqi po bëhet gjithnjë e më shumë protagonist me ekipin e Tiranës. Bardheblutë po vuajnë shumë këtë sezon me dëmtimet dhe mungesat e lojtarëve, tashmë edhe me largimin e Redon Xhixhës, reparti ofensiv i kampionëve në fuqi është delikat.
Nga ky moment ka përfituar talenti i akademisë, Dijar Nikqi. Prej dy sezonesh është pjesë e ekipit A por pa gjetur shumë hapsira pasi konkurenca me lojtarë si Seferi, Xhixha, Hasani e Patrick është shumë e lartë.
Mirëpo, tani që shansi i ka ardhur në duar, bomberi 18-vjeçar e ka shfrytëzuar në mënyrën më të mirë. Titullar ndaj Kastriotit në kampionat, sulmuesi pejan i dha fitoren e vuajtur Tiranës në minutën e 100-dë ndërsa përsëri ndaj krutanëve do të gjente rrjetën në Kupë pak ditë më parë.
Kjo i ka siguruar edhe ftesën nga Kombëtarja U-21, me të cilët ka zhviluar edhe 3 paraqitje.
Lexo gjithashtu
