Kamza ka arritur të marrë barazimin ndaj Kukësit në takimin e funsit, por kjo ndeshje nuk ka kaluar pa probleme, pasi ka pasur dhe dëmtime. Lojtari i cili do të "braktisë" trajnerin Ramadan Ndreu është Ivan Fushtar, shtylla e mbrojtjes, i cili ka pësuar një dëmtim në kofshën e majtë që e lë jashtë në sfidën ndaj korçarëve.
Mbrojtësi ka qenë i pranishëm në stërvitjen e djshme që ka zhvilluar ekipi, por nuk ka mundur të stërvitet për shkak të dhimbjeve. Fushtar është mungesë e sigurt ndaj Skënderbeut. Kjo ka vënë në pozitë trajnerin Ndreu, i cili do të duhet të bëjë mirë llogaritë, nëse kërkon që ekipi i drejtuar nga ai të mbajë ende titullin "hirushja" e kampionatit, këtë herë më shumë se kurrë, pasi përballen me Skënderbeun, që kryeson tabelën e klasifikimit.
Lexo gjithashtu
