Lushnja po kalon një nga momentet më të errëta të historisë së saj në futboll. Klubi me traditë të madhë është shumë pranë rënies në Kategorinë e Dytë teksa ndodhet në vendin e tretë nga fundi me vetëm 21 pikë. Situata është e rëndë dhe një reagim të fortë ka patur nga një prej tifogrupeve të skuadrës, “Gjenerata Verdhjeshile”, e cila me një postim në rrjete sociale kërcënon me protesta nëse nuk do të ketë ndryshime.
“Ju nuk jeni më shpëtimi i këtij ekipi, ju jeni ata të cilët po fundosni dita-ditës emrin që ndër vite çdo ekip dridhej kur vinte në Lushnje! Ikni që të vim ne në stadiumn ose rrini gënjeni dhe lekët ju bëfshin mirë!
Ne forcën tonë e dimë dhe e kemi treguar, mos detyroni të nisin protesta që s’i keni parë ndonjëherë në qytet. Po nuk duam të kemi patronazhista e spiuna afër sepse me këta i keni marrëdhëniet e mira ju, jo me ne. Deri në zgjedhjet që po vijnë, bëni qejf, ne këtu jemi prap.”-shkruan tifogrupi.
