Lojtarët e Kombëtares zhvilluan një performancë fantastike në fushën e lojës duke mposhtur bindshëm 3-0 Çekinë, por një performancë akoma më elektrizuese erdhi nga tribunat. Tifogrupi besnik i Kombëtares, ‘Tifozat Kuq e Zi’ dhe shumë tifogrupe të tjera shqiptare, dardane dhe nga Ilirida ishin ‘mbytës’ për çekët dhe forcë shtytëse për yjet tanë.
‘Tifozat Kuq e Zi’ kanë bërë një postim në llogarinë e tyre në rrjete sociale ku evidentojnë përkrahjen ‘fair’ që u bë në stadium duke mos patur as edhe më të voglin incident.
“Mjeshtëria, pasioni dhe loja me zemër mbizotëruan mbrëmë në stadiumin tonë në 3:0 ndaj Çekisë! Një rezultat i ngritur mbi djersën dhe ëndrrat e kuqezinjve nga çdo cep i atdheut dhe një komb i tërë që thërriste “Shqipni Etnike”! Ne mundemi!”- shkruan tifogrupi.
Lexo gjithashtu
