Mirel Josa ishte i ftuar në lidhje drejtpërdrejtë me emisionin “Sport Neës” të moderators Trevisa Tufa në Neës 24. Trajneri i njohur shqiptar foli për situatën aktuale në Superiore ku sipas tij, Tirana ecën e sigurtë drejt titullit kampion.
“Klasikja- Vllaznia dhe Tirana e filluan shumë të kujdesshme. Tirana ishte e avantazhuar pasi donte të ruante diferencën e pikëve. Ne kemi të bëjmë me një skuadër e cila ka ardhur në ngritje, Vllazia ka patur oshilacione. Tirana ka bërë mirë në këtë periudhë, bardheblutë morën atë që deshën atëherë kur e deshën.
Nuk më takon mua të flas për ndryshimet te Vllaznia, pra nuk më takon të flas për diferencat mes skuadrës time dhe skuadrës që është tani. Ndeshjet e fundit do të jenë ndeshje shumë specifike. Problemi është që lojtarët duhet të mësohen të luajnë me njëri-tjetrin. Nuk pashë ndryshime shumë. Qëndra e mesfushës ishte e njëjta, problemi është qy ky repart duhet të mbështesë Bekim Balajn. Tirana ishte shumë e kontrolluar, kishte iniciativë sulmuese, nuk luajti me kundërsulme por bëri presion në mesfushë.
Tirana ka një moment të mirë. Është përmirësuar forma fizike e Abazaj dhe Lushkjas. Nga momenti që Tirana ka luajtur kur unë kam qenë trajner i Vllaznisë, Aleksi është spostuar disa herë. Ndryshe luajtën bardheblutë tani, ndryshe luajtën kur unë isha trajner në Shkodër.
Skuadra e Tiranës- Shumë e rëndësishme nuk ishte kjo fitore, por sukseset në ndeshjet kundër Egnatias. I ka dhënë shumë plus skuadrës. Merr titullin me 99 përqind.
Vllaznia dhe Europa- Vllaznia rrezikon shumë pasi ka një ekip shumë të ëvshtirë përpara si Egnatia.
Lexo gjithashtu
