Skuadra e Laçit po vijon përgatitjet për ndeshjet kualifikuese të UEFA Conference League dhe ditën e sotme, ka zhvilluar edhe një sfidë miqësore kundër Llapit.
Kurbinasit kanë fituar me rezultatin e pastër 2-0, në sfidën që u zhvillua në Strugë. Spahiu shënoi golin e parë, ndërsa Ujka realizoi të dytin dhe vendosi rezultatin final të takimit. Një test tepër pozitiv ky për të besuarit e Shpëtim Duros, që duken mirë në rendimentin fizik.
Ishte Mazrekaj ai që mbajti shiritin e kapitenit te Laçi, ndërsa Dajsinani, luajti titullar, duke bërë disa pritje dhe duke mbajtur rrjetën e paprekur. Laçi do të luajë dy sfida kundër Iskra, të vlefshme për raundin e parë të UEFA Conference League.
Loading ...
