Është zyrtarizuar miqësorja e rradhës për kombëtaren shqiptare të futbollit të femrave. Më datë 11 prill në Tiranë do të vijë kombëtarja e futbollit të Kenias. Lajmi është bërë i ditur nga Federata Keniane e Futbollit, e cila njofton se kenianet do të vijnë në kryeqytetin shqiptar për një ndeshje miqësore.
Kujtojmë që Kenia ka marrë një pezullim nga FIFA për një vit dhe kjo do të jetë sfida e tyre e parë pas kaq kohe. Kjo është hera e parë që kombëtarja e femrave e drejtuar nga Armir Grima ndeshet me kombëtaren e Kenias. Kuqezinjtë pozicionohen në vendin e 72-të në renditjen e FIFA, ndërsa Kenia e 149-ta.
