Shqipëria pas miqësores me Katarin që luan ditën e nesërme në Spanjë, do të përballet me Italinë dhe Armeninë javën tjetër. Këto dy miqësore do të zhvillohen në “Air Albania”, ku me kombëtaren e Mancinit do të luajmë më 16 nëntor ndërsa 3 dit më pas me kombëtaren armene.
Për dy miqësoret e javës së ardhshme, “dhimbjet e kokës” për trajnerit Edi Reja janë shtuar edhe më shumë. Pas mungesës së sigurtë të disa lojtarëve kuqezi për shkak dëmtimet, listës i shtohet edhe një tjetër futbollist kuqezi.
Përveç Thomas Strakoshës, Frederik Veselit, Klaus Gjasulës, i fundit është shtuar edhe Endri Çekiçi. Ky i fundit është dëmtuar me skuadrën e Koniaspol në Turqi dhe lajmin e ka bërë të ditur vetë trajneri i ekipit turk, ndërsa lojtari pritet të mungojë 15 ditë. Prezenca e tij mbetet në dyshim, ashtu si edhe e të tjerë lojtarëve si, Qazim Laçit, Amir Abrashit që vazhdojë rikuperimin.
Ndërkohë lajm i mirë është rikuperimi i Rey Manajt dhe Etrit Berishës që do të jenë të gatshëm për Rejën për miqësoret e javës së ardhshme.
Lexo gjithashtu
