Sfida e sotme midis Kamzës dhe Teutës nuk do të jetë vetëm një sfidë midis dy skuadrave për të marrë fitoren e rëndësishme. Dueli zhvillohet edhe në pankinë. Bledar Devolli dhe Bledi Shkëmbi sot janë kundërshtarë për 90 minuta pasi komandojnë ekipe të ndryshme. Por ata nuk janë të panjohur për njëri tjetrin pasi kanë qenë futbollistë vite më parë në Kategorinë Superiore bile kanë luajtur dhe si kundërshtarë dhe shok skuadre. Në sezonin 2007/2008 të dy ishin pjesë e Partizanit. Por në lidhje me takimin e sotëm, Devolli kërkon të befasojë durrsakët me zgjedhjet në repartin sulmues. Argjentinasi që erdhi në këtë merkato te Kamza Nestor Martinena ka shansin më të mirë të debutojë sot me kamzalinjtë. Në ndihmë të tij do të vijë dhe Sebino Plaku. Në prapavijë Devolli pritet të rreshtojë Frashërin, Teqjan, Beqiri, Idrizaj. Porta do të mbrohet nga Ilir Avdyli. Mesfusha do të përbëhet nga Rolovic, Zisi, Arabal dhe Zisi.
Lexo gjithashtu
