Paul Pogba nuk ka rinovuar ende kontratën e tij me Man United. Mesfushori ka kontratë deri në qershor të 2022 e më pas mund të largohet me parametra 0 nëse nuk pranon të qendrojë më në Manchester.
Drejtuesit e skuadrës angleze i kanë ofruar kontratën e re, por lojtari dhe agjenti i tij, Mino Raiola nuk ka vendosur ende. Në një intervistë të dhënë për mediat, Raiola është shprehur se do të flasin me United për të ardhmen e tij, ndërsa i ka dërguar një "mesazh" Juventusit duke bërë me krah tifozët.
"Pogba ka kontratë deri në qershor 2022 me Manchester United. Do të flasim me klubin dhe do të shohim se çfarë do të ndodhë me të ardhmen e tij".
Rikthimi te Juventusi? "Paul ende e do Torinon dhe kjo është diçka vërtet e rëndësishme për të. Ka një shans që Pogba të rikthehet te Juventusi, po, por varet edhe nga planet që ata kanë", ka thënë Raiola.
Lexo gjithashtu
