Migen Memelli befason Apoloninë, fierakët në “det të hapur”

Apolonia prej muajsh tashmë është në kërkim të një trajneri të ri, që mund t’i besohet skuadfra për pjesën tjetër të sezonit. Një situatë që është kthyer në një “hall” të madh për fierakët, të cilët prej 22 shtatorit nuk po gjen dot një timonier të ri.

Pas Shabanit është një tjetër teknik që ka refuzuar stolin e Apolonisë. Bëhet fjalë për ish-trajnerin e Skënderbeut, Migen Memellin, i cili vetëm pak ditë më parë u largua nga korçarët. Fierakët aktualisht drejtohen nga Mariglen Kule, i cili vendosi të marrë provizisht stolin e Apolonisë, deri në gjetjen e një trajneri të ri.

Refuzimi nga Memelli është bërë nga ky i fundit, i cili ka theksuar se dëshiron të bëjë disa pushime, pasi kërkon të pushojë dhe në këtë mënyrë nuk ka pranuar ofertën e bërë nga Apolonia.