Laçi ka humbur shijen e fitores në kampionët, teksa në 5 javët e fundit kanë marrë vetëm 1 pikë. Pikërisht ditën e sotme kurbinasit do të presin në shtëpinë e tyre Vllazninë, për të bërë kështu edhe llogaritë e javës së 26-të. Sfidë kjo që do të startojë duke nisur nga ora 13:00.
Gentian Mezani kërkon nga skuadra e tij reagim dhe ndaj shkodranëve janë të “dënuar” vetëm për fitoren, pasi luajnë edhe në shtëpinë e tyre. Trajneri për këtë sfidë i ka besuar sulmin Guindos duke ulur në stol Shkurtajt.
Nga krahu tjetër shkodranët vijnë pas kualifikimit në gjysmëfinalen e Kupës së Shqipërisë, por edhe kuqeblutë në kampionët nuk kanë arritur të sigurojnë dot fitore në 4 javët e fundit. Në Kurbin do të synojnë rikthimin te fitorja për të mos u larguar nga vendi i 3-të në klasifikim.
Formacionet zyrtare:
Laçi (4-2-3-1): Selmani; Roganovic, Turkaj, Velkovski, Ziko; Manellari, Ujka; Spahiu, Babtunde, Mazrekaj; Guindo. Trajner: Gentian Mezani
Vllaznia (4-2-3-1): Zogovic; Smajli, Gurishta, Bulatovic, Hakaj; Boshnjaku, Jonuzi; Hoxhaj, Marku, Çoba; Balaj. Trajner: Mirel Josa
Lexo gjithashtu
