Laçi mori një fitore të rëndësishme ndaj Teutës në javën e 19-të të kampionatit shqiptar, ku kurbinasit fituan me shifrat 4-3 ndaj durrsakëve. Një triumf që duket se ka lënë me “pasoja” bardhezinjtë të cilët në duelin e radhës që do të luajnë në “Abissnet Superiore” do të vuajnë mungesën e 4 lojtarëve.
Gentian Mezani kështu do të duhet të bëjë llogaritë pa Babatunden, i cili ishte protagonist me gol në fitoren me bregdetarët ka plotësuar numrin 4 të kartonëve të verdhe, dhe në këtë mënyrë do ta shikojë sfidën me demat nga tribuna.
Ndërkohë një tjetër titullar që me shumë gjasa ka humbur sfidën e radhës në kampionat është edhe Spahiu, i cili për shkak dëmtimi humbi duelin me Teutën. Lojtari nuk është akoma i gatshëm për Mezanin. Kujtojmë se do të vazhdojnë të mungojnë Albi Alla dhe Rudolf Turkaj, të cilët nuk janë riaftësuar akoma nga dëmtimet.
Kujtojmë se para duelit me Partizanin, kurbinasit do të përballen me Tomorin ditën e enjte në orën 13:00 në “Pezë Helmës” në ndeshjen e kthimit të Kupës së Shqipërisë, me takimin e parë që ka përfunduar me fitore 3-1 të bardhezinjve.
Lexo gjithashtu
