Pavarësisht se merkatoja ka përfunduar zyrtarisht për të gjitha kampionatet europiane, në Shqipëri duket se ekipet vazhdojnë të gjejnë kohë për të plotësuar radhët e veta. Te Partizani është këmbëngulur gjithmonë për të sjellë dhe një sulmues të fundit për të garantuar ecurinë pozitive të të kuqve. Por duke qenë se nuk ia dolën të përmbushnin këtë synim, të kuqtë kanë nisur të planifikojnë lëvizje në drejtime të tjera. Ata kërkojnë futbollistë vendas që mund të kalohet në ekipin e dytë ose lojtarë të paaktivizuar më parë me ekipe të tjera. Një gjë të tillë “Demat” e bënë me Jasir Asanin, i cili mbërriti te kryeqytetasit në muajin shtator dhe u aktivizuar për një sezon me Partizanin B. E njëjta skemë mund të vihet sërish në punë edhe këtë vit.
© 2024 News Sport - Dev by Aplikacione.com.