Merkato/ Skënderbeu e mbyll me një sulmuesin e Rijekës?

Haris Hanxhiç mund të jetë afrimi i radhës i Skënderbeut në këtë merkato dimri.

Sulmuesi 26-vjeçar është larguar nga Rijeka duke prishur kontratën ditën e djeshme dhe trajneri Daja mësohet se ia ka bërë të qartë presidentit Takaj se e do në ekip shtatlartin boshnjak.

Skënderbeu pritet të zyrtarizojë ditën e sotme marrëveshjen me sulmuesin, ndonëse ende nuk ka asgjë të sigurt.

Të tjera zhvillime për këtë çështje priten në orët në vijim, por korçarët mund ta mbyllin merkaton me një super afrim.