Në ndeshjet e fundit kualifikuese për kombëtaret, bujë bëri veprimi i kombëtares turke me festimin e saj. Duke nderuar ushtarakisht, ata i dhanë mbështetje një inisiative ushtarake që Turqia ka ndërrmarë në Siri ndaj kurdëve. Lojtarët e kombëtares së Gynesh, e kanë bërë këtë gjest në fitoren 1-0 që arritën në Stamboll ndaj kombëtares sonë dhe 3 ditë më vonë në Paris, përsëritën të njëjtën gjë në festën e golit të barazimit. Për këtë shkak, UEFA ka nisur një hetim disiplinor duke i konsideruar këto veprime si të palejuara dhe që nxitin urrejtjen mes popujve.
Një reagim ka pasur edhe nga klubet e lojtarëve turq, që ishin protagonist në këto veprime. Së fundmi, është zëvendës presidenti i Juventus Pavel Nedved që ka dhënë versionin e tij lidhur me këtë çështje, duke folur dhe për lojtarin Merih Demiral që bën pjesë te bardhezinjtë. Nedved shprehet i qetë, duke shtuar se ai ka lirinë e tij të veprimeve dhe se çdo vendim i UEFA-s duhet respektuar.
"Kam qenë unë ai që ka folur me Demiral. Çdokush ka lirinë e shprehjes, por donim të kuptonim gjestin e djaloshit. Një gjest që ndodhi në ekipin turk ka trazuar ujërat dhe ne presim që trupa kompetente të marrë vendimin. Gjithsesi ky gjest për ne, nuk përfshin asnjë shkelje në kodin e etikës", tha Nedved ndër të tjera. Në këtë mënyrë, drejtuesi i lartë bardhezi duket se ka mbyllur njëhërë e mirë diskutimet për dënim ose pezullim të Demiral.
Lexo gjithashtu
