Mesfushori i Kukësit Donjet Shkodra mund të largohet nga verilindorët. Mënjanimi nga tekniku Cungu në ndeshjet e Europës dhe takimin e parë në kampionat me Laçin po e shtyjnë lojtarin gjithmonë e më larg Kukësit. Duke parë pagën (më i paguari te Kukësi) prej 7 mijë € klubi planifikon të reduktojë rrogën 29-vjeçarit, gjë të cilën ai nuk e pranon. Në adresë ka oferta nga skuadra të huaja, por nëse vetë ai nuk e zgjidh kontratën me konsensus me klubin lojtari rrezikon të përballet në gjyq me klubin.
Nga ana tjetër, ai ka filluar bisedimet me presidentin Safet Gjici për të përcaktuar shifrën e re të pagës, por ende nuk ka një rezultat konkret. Nëse Kukësi prish kontratën Shkodrës, ai përfiton 84 mijë € nga Kukësi duke patur parasysh që është nën kontratë edhe për një vit te verilindorët.
Në harkun e 8 muajve që kur erdhi nga Skënderbeu, Shkodra kaloi nga lojtar kryesor me Peter Pacult në lojtar stoli me Armando Cungun.
Loading ...
