Vllaznia po surprizon gjithë sportdashësit. Edhe ata që kanë një ekip tjetër u pëlqen të shohin shkodranët tek luftojnë deri në frymën e fundit, ndeshje pas ndeshjesh, për të marrë trepikëshin. Dhe po ia arrijnë. Vllaznia është duke ecur me hap kampioni. Por, rezultatet në fushë, janë një gjë. Rezultatet me financat, janë gjë tjetër. A do të mundet të licensohet klubi i Vllaznisë për të marrë pjesë në kompeticionin europian?
Një gjë është e sigurt, borxhet që ka klubi i Vllaznisë janë marramendëse, shifra që arrijnë miliona lekë. Edhe pse donatori I klubit të Vllaznisë Alban Xhaferi është duke u marrë me financimin e ekipit, është e papërballueshme kriteri financiar I licensimit, sidomos borxhi me tatimet. Nën zë thuhet se mes drejtuesve të Bashkisë dhe organeve shtetërore janë duke u bërë tratativa që klubi të arrijë marrëveshje me tatimet, për shlyrje të borxheve.
Por e sigurt është se kjo duhet të arrihet. Pasi, në FSHF, kur të vijë ora e licensimeve të klubeve që duhet të luajnë në Europë, vec komisionit të vlerësimit të FSHF, vijnë gjithmonë ekspertë të UEFA për të ndjekur procesin nga afër.
A do të mundet Vllaznia që veç rezultateve në fushë të arrijë edhe rezultatin në kriterin financiar? Kjo do të shihet në javët në vazhdim. Një gjë është e sigurt: Me këtë paraqitje, Vllaznia e meriton të jetë në Evropë. Shkodranët do bëjnë krenar çdo shqiptar me lojën që po zhvillojnë dhe me paraqitjen dinjitoze që i ka hije Shkodrës.
Loading ...
