Teuta mori fitoren e dytë rradhazi për herë të parë këtë sezon. Një fitore që vlen shumë teksa vjen edhe përballë kampionëve të Tiranës. Goli i Albion Markut në minutën e 65’ i dha tre pikët durrsakëve dhe një gol që shijon shumë për të si një ish-lojtar i Partizanit. Pas ndeshjes, mbrojtësi foli për mikrofonat e Oversport.
“Falenderoj profesorin sepse kishte besim te une dhe fati na ndihmoi qe shënuam gol. Mendoj që të dyja fitoret na ngritën moralin dhe shpresoj të vazhdojmë kështu.
Në pozicionin 3-5-2 ndihem më mirë pasi kam luajtur këtu edhe me Laccin dhe kam më shumë hapsira në krah. Në fund kishte vetëm komplimenta dhe falenderime. Për mua rëndësi ka që të fitojmë dhe të marrim tre pikë. Goli i devijuar? Fati ndihmon më të fortin.”- tha mbrojtesi.
Lexo gjithashtu
