Është mbyllur me humbjen e thellë, 4-0, sfida në Izrael për kombëtaren Shpresa të drejtuar nga Redi Jupi. Pas kësaj fitoreje, izraelitët e mbyllin këtë fazë në vendin e dytë në grup, duke qëndruar pas Portugalisë që ka grumbulluar 23 pikë me një ndeshje më pak. Golat në këtë takim u shënuan nga Gozlan, Altban, Bitton dhe Hugy.
Kuqezinjtë jo vetëm që pësuan katër gola, dy nga të cilët në mënyrë skandaloze, duhet theksuar se nuk gjuajtën asnjëherë portën. Bënë presion në fundin e pjesës së dytë, por kur gjithçka kishte marrë fund.
Edhe këtë herë ekipi jonë kombëtar U-21 largohet me kokën poshtë nga eliminatoret, por me një ndryshim të vogël, jo më në dy vendet e fundit, por në vendin e katërt në renditje me 12 pikë të grumbulluara.
