Mbyllet takimi miqësor, Shqipëria e Jupit befason Italinë

Itali – Shqipëri    0 – 0

Formacionet:

Italia: Donaruma, Konti, Biraski, Kaldara, Murru, Berardi, Verre, Kataldi, Garritano, Çerri, Roseti. Trajner: Di Biaxhio
Shqipëria: Strakosha, Hoxhallari, Shkalla, Lulaj, Gurishta, Gjini, Latifi, Laçi, Bare, Fili, Manaj Trajner: Redi Jupi

Gjyqtar: Xh. Kazanova (San Marino)
Kombëtarja U-21 e drejtuar nga trajneri Redi Jupi ka arritur të marrë një barazim kundër Italisë, në miqësoren e luajtur në San Benedeto del Tronto, ku ishin të pranishëm rreth 4 mijë tifozë.

Pjesa e parë e lojës foli për “Azzurrët”, të cilët krijuan shumë raste, por portieri Strakosha ishte në ditën e tij dhe e ruajti të paprekur katërkëndëshin.

Pjesa e dytë nisi më ndryshe. Kombëtarja kuqezi arriti ta balanconte lojën, ku krijoi edhe disa situata të rrezikshme, por përsëri Strakosha ishte lojtari më i mirë në përfaqësuesen Shqiptare, vendimtar me pritjet e tij.

Duhet përmendur që në këtë takim luajtën shumë futbollistë të njohur si Berardi e Manaj dhe Donaruma, por munguan edhe disa të tjerë si shqiptarët e Lokomotivës apo Romanjoli i Milanit, të cilët nuk ishin lejuar nga ekipet e tyre  për t’iu bashkuar kombëtareve respektive.