Mburren italianët: Të paktë ata si ne!

Fitorja e Italisë ka bërë jehonë të madhe, jo se është çudi të fitojnë “axurrët”, por sepse Belgjika konsiderohet një nga skuadrat më të forta në Botë për lojtarët që ka. Megjithatë, Italia mbetet Itali dhe këtë e tregoi dje në mënyrën më të mirë, duke luajtur futboll sulmues dhe duke e merituar plotësisht fitoren. Reagimet pas ndeshjes kanë qenë të shumta, ku trajneri Antonio Konte ka theksuar se skuadra është e fortë dhe ka shpirtin e duhur. Portieri dhe kapiteni Bufon ka theksuar se janë ta pakta skuadrat si Italia, që dinë të arrijnë atë që kërkojnë. Ai është referuar edhe nivelit të mirë të lojës, ndërkohë që mbrojtësi Bonuçi ka një mënyrë tjetër për t’u mburrur: “I kemi b…. të mëdha”, – ka thënë ai, një shprehje tipike në Itali për të treguar fuqinë.