Manchester City barazoi dje në transfertë përballë Nottingham Forest. Sfida u mbyll 1-1, me “citizens” që shpërdoruan avantazhin e pjesës së parë. Ky barazim e zbret ekipin e Guardiolës në vendin e dytë, me Arsenalinin që ngjitet sërish në vendin e parë. Për shpërdorimin e këtij rezultati ka folur edhe mbrojtësi i Manchester City, Kyle Walker. Anglezi nuk e fsheh zhgënjimin me lënien e dy pikëve, duke e quajtur si të papranueshme rezultatin.
“Duket sikur gjithë puna e fortë të mërkurën u hodh e gjitha poshtë”, thotë Walker.
“Shpresoj që kjo pikë të na kthej në rrugën e duhur për në fund të sezonit. Bëhet gjithë ajo punë e madhe dhe ne bëmë një performancë solide në Emirates kundër një ekipi të fortë dhe të vijmë këtu e të barazojmë, ne e kemi hedhur poshtë. Nuk jemi jashtë luftës për titull akoma, do të vazhdojmë të luftojmë deri në fund”, ka përfunduar Walker.
Lexo gjithashtu
80 milionë euro për Barçën, United tenton talentin spanjoll
Problemet në mbrojtje, Chelsea dërgon skautë në Serie A
