Mesfushori i Manchester City, Rodri, ka ndezur spekulimet e merkatos pasi nuk e ka përjashtuar mundësinë e një transferimi te Real Madrid në të ardhmen.
Gjatë një deklarate me kombëtaren spanjolle, fituesi i “Topit të Artë” u pyet për interesimin e madrilenëve, por shmangu një përgjigje të prerë. “Tani jam i fokusuar te Kupa e Botës dhe më pas do të shohim çfarë do të ndodhë”, u shpreh Rodri, duke lënë të hapur derën për një lëvizje të mundshme.
Prej muajsh, emri i 29-vjeçarit është lidhur me një rikthim në Spanjë. Vetë Rodri ka pranuar më herët se “nuk mund t’u thuash jo klubeve më të mira në botë”, deklaratë që u interpretua si një sinjal pozitiv për Real Madridin.
Interesimi i klubit madrilen është shtuar sidomos pas largimit të figurave të rëndësishme nga mesfusha në vitet e fundit, ndërsa Rodri konsiderohet profili ideal për të sjellë ekuilibër dhe eksperiencë në qendër të lojës.
Megjithatë, një transferim mbetet i vështirë. Rodri ka kontratë me Manchester City-n deri në vitin 2027 dhe drejtuesit anglezë nuk janë të gatshëm të heqin dorë lehtësisht nga një prej lojtarëve më të rëndësishëm të skuadrës.
Lexo gjithashtu
