Mbledhje e rëndësishme e basketbollit shqiptar, por harrohet çështja “Tirana”

Ditën e sotme është mbledhur Kryesia e FSHB. Një mbledhje e cila preku shumë tema delikate dhe të rëndësishme për koshin shqiptar. Gjatë kësaj mbledhje ku ishin të pranishëm të gjithë pjestarët e federatës me në krye z.Avni Ponari.

Mes 7 pikave ku u ndalën së diskutuari. Spikat mungesa e diskutimit mbi temën e largimit të Tiranës dhe Teutës nga Liga Unike. Në këtë mbledhje u diskutuan kushtet të cilat priten të përcaktojnë me qartësi se si do të jenë pjesmarrësit për sezonin e ardhshëm të Ligës Unike.

Postimi i kreut të FSHB, Avni Ponari:

Mbledhje e zgjeruar e Kryesisë së Federatës Shqiptare të Basketbollit (FSHB)

Disa problematika të rëndësishme për diskutim:

1. Vijimi i garave me kufizim apo jo kufizim të lojtarëve të huaj,
2. Vijimi i Ligës Unike siç është parashikuar në marrëveshjen mes dy qeverive,
3. Përcaktimi i qartë se kush dhe si do marrë pjesë në Ligën Unike,
4. Regjistrimi i gjithë grupmoshave që luajnë basketboll, nga mosha 8 deri në 10 vjeç,
5. Rritja e nivelit të gjyqtarëve dhe trajnerëve
6. Regjistrimi i çdo ndeshje nga ekipet pritëse,
7. Vazhdimi i pjesëmarrjes me të gjithë grupmoshat në aktivitetet rajonale dhe ato evropiane.