Shkëndija e Tetovës është e vetmja skuadër shqiptare që vazhdon rrugëtimin e saj në Champions League. Mbrëmjen e sotme do të presin Qarabag për të bërë mes tyre llogaritë e fazës së 3-të të këtij turneu.
Një duel që do të startojë në orën 20:00 dhe që do të marrë vëmendjen e të gjithë tifozëve shqiptarë. E kur na ndajnë vetëm pak orë nga kjo përballje, në rrjetet sociale ka bërë një postim presidenti i klubit, Lazim Destani.
Kreu i kuqezinjëve u bën thirrje tifozëve që të jenë sa më të shumtë në numër në mbështetje të skuadrës, ndërsa nënvizon dhe kërkon të jenë të mirëkuptueshëm dhe të mos bien pre e provokimeve.
Kjo marrë shkas e nga thirrjet anti-shqiptare që ndodhën gjatë një ndeshje basketbolli, ku Maqedonia e Veriut luajti kundër Rumanisë. Për këtë i pari i klubit, dëshiron që tifozët e Shkëndijës të jenë lojtari i 12-të i skuadrës dhe të gjithë së bashku të shkojnë drejt fitores në Champions.
“Me emocion më të madh për arritjet e deritanishme, ëndrra jonë vazhdon.
Me përkushtim dhe fokus të madh, klubi ynë po ecën përpara drejt synimeve të reja dhe drejt arritjeve që i meritojmë. Qëllimi ynë është suksesi dhe rruga në Champions League.
Sot do të jemi të gjithë në tribunat e stadiumit, duke kënduar këngët tona të fitores dhe duke i dhënë zemër lojtarëve dhe stafit tonë, sepse ata e meritojnë këtë.
Si tifoz i Shkëndijës, ju bëj thirrje që sot të tregojmë kulturën tonë sportive dhe të mos biem pre e provokimeve.
Të mos lejojmë gjuhë urejtjeje te asnjë forme, sepse këto nuk na përkasin dhe nuk e përfaqësojnë kulturën tonë.
Ne publiku dhe tifozët e Shkendijës, si lojtari i 12-të, jemi shembull duke treguar nivelin tonë të lartë dhe duke e përfaqësuar me dinjitet dashurinë tonë për klubin.
Le të shkojmë drejt fitores.
Shkëndija mbi të gjitha!”, ka shkruar kreu i klubit.
Lexo gjithashtu
