Freddy Alvarez po kalon momentet më të dhimbshme në jetën e tij. Orët e para të mëngjesit të ditës së sotme ka ndërruar jetë vajza e futbollistit bardheblu.
E mitura dyshohet të jetë rrezuar nga krevati dykatësh, ku pavarësisht ndihmës mjekësorë nuk ka mundur dot të jetojë, duke mbyllur sytë përgjithmonë. Kjo dhimbje ka prekur edhe ish-klubin e Alvarez, Shkupin.
Ekipi ka reaguar nëpërmjet një postimi në rrjetet sociale, ku ka shprehur ngushëllim për këtë humbje të madhe për familjen e Alvarez.
“Me dhimbje të thellë morrëm lajmin se vajza e ish lojtarit tonë dhe pjesë e ekipit kampion vitin 2022, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë.
Ky lajm i rëndë ka tronditur të gjithë familjen e klubit tonë, pasi Freddy ishte pjesë e një kapitulli historik për FC Shkupin dhe gjithmonë do të mbetet pjesë e klubit tonë.
Në këto momente të vështira, FC Shkupi qëndron pranë Freddy Alvarez dhe familjes së tij, duke shprehur ngushëllimet më të sinqerta”, shkruan klubi.
View this post on Instagram
Lexo gjithashtu
