Flamurtari pret në stadiumin e tij skuadrën e Dinamos për të zhvilluar mes tyre edhe sfidën e javës së 20-të të Kategorisë së Parë. Një sfidë mjaft e rëndësishme për të dyja ekipet që kërkojnë edhe ngjitjen në Superiore sezonin e ardhshëm që starton në orën 17:00 dhe do të luhet nën dritën e prozhektorëve.
Ky 90-minutësh është deçizif për vlonjatët të cilët në një ndeshje mjaft delikate kanë ndevojë edhe për mbështetjen e tifozëve. Që shkallët e stadiumit të mbushen plot për të mbështetur skuadrën drejtuesit vlonjatë u kanë bërë një surprizë.
Hyrja në stadiumin “Flamurtari” ditën e sotme do të jetë falas. Në këtë mënyrë drejtuesit hapin dyert e stadiumit për t’iu dhënë mundësinë të gjithëve të brohorasin për skuadrën e tyre gjatë 90 minutave mjaft vendimtare në rrugën drejt Superiores.
Lexo gjithashtu
