Ditën e sotme do të luhen dy nga takimet e javës së 7-të të “Abissnet Superiore”. Do të luhet në aksin Rrogozhinë – Korçë në dy orare të ndryshme.
Fillimisht do të vihen përballë njëra – tjetrës Egnatia dhe Teuta. Në “Egnatia Arena” sfida do të startojë në orën 14:00, ku dy ekipet do të synojnë vetëm fitoren. Vendasit kërkojnë 3 pikët në shtëpi për të mos rrezikuar vendin e parë në tabelën e klasfikimit, ndërsa nga ana tjetër durrsakët i synojnë për t’iu larguar fundit të klasifikimit. Përballë gjithashtu do të vihen edhe Edlir Tetova dhe Edi Martini.
Ndërkohë në orën 16:30 e gjithë vëmendja do të jetë në Tiranë , ku në Korçë do të luhet një tjetër duel mjaft spektakolar. Në fushë do të zbresin Partizani dhe Skënderbeu që do të përplasin “brirët” për 3 pikët e kësaj jave. Demat synojnë vendet e kreut dhe fillimisht dëshirojnë të jenë pjesë e “Final – Four”, ndërsa korçaret tentojnë një tjetër triumf për t’u “gozhduar” në një nga vendet e “Final –Four”.
Lexo gjithashtu
