Në 3 takime të zhvilluara Luftëtari nuk ka marrë asnjë pikë duke u renditur deri tani si skuadra më e dobët e këtij sezoni në kampionatin shqiptar. Nga sezoni i fundit deri tani gjirokastritët kanë ndryshuar180 gradë pamje duke mos dhënë përshtypjen e një ekipi konkurues dhe rezultativ. Me gjithë presionin e tifozëve për ndryshim emergjent në skuadër, drejtuesit e klubit i kanë dhënë sërish besimin e tyre teknikut Milos Kostic, i cili ka pranuar të marrë të gjithë përgjegjësinë për humbjen e fundit me Flamurtarin si dhe gjendjen në të cilën ka arritur Luftëtari. Slloveni ka folur dje përpara ekipit duke u kërkuar lojtarëve të shmangin ankthin dhe të gjejnë qetësinë pasi atyre nuk u mungojnë vlerat.
"Unë besoj te ajo ccfarë kemi bërë bashkë, ndaj të mos humbim shpresat për vazhdimësinë. Të korrigjojmë veten aty ku kemi më shumë dobësi. Nuk mendoj se kemi ndryshuar filozofi në lojë. Duhet të jemi më të qetë dhe të shfrytëzojmë rastet që krijojmë", deklaroi dje në prani të skuadrës trajneri Kostic.
Lexo gjithashtu
