Luftëtari – Partizani 1-1 (FT)
Luftëtari: Ruçi, Demo, Hoxha, Rapa, Xhekson, Ramadani, Aleksi, Rroca, Ymeraj, Milosavlev, Shkurtaj. Trajner: Gentian Mezani
Partizani: Hoxha, Ibrahimi, Belica, Atanda, Trashi, Hila, Kote, Mensah, Asani, Mala, Bardhi. Trajner: Skënder Gega
Gjyqtarë: Juxhin Xhaja, Denis Rexha, Astrit Mahmuti, Olsid Ferataj
Delegat: Besnik Çela; Vëzhgues: Arjan Mali
Përmbledhje: Partizani e mbyll pjesën e parë të sezonit me barazim 1-1 ndaj Luftëtarit. Sfida e javës së 18-ë dhuroi emocione të mëdha dhe adrenalinë, sidomos pjesa e dytë ku ndodhën shumë gjëra. Të kuqtë dominuan pjesën e parë duke arritur të kalonin në avantazh me Esat Malën. Pjesa e dytë nisi vrullshëm me gjirokastritët më të karikuar. 9 minuta nga fillimi i pjesës së dytë, Ymeraj dribloi mbrojtësit e Partizanit dhe mposhti portierin Alban Hoxha duke ndezur festën në stadium. Kur u mbushën një orë lojë, portieri i Partizanit Alban Hoxha dhe lojtari i Luftëtarit Ramadani lanë fushën të dëmtuar pas një përplasje të frikshme. Skuadra e Mezanit pati rastin e mirë të merrte fitoren, por në minutën e 96-ë Rrapo nuk shënoi i vetëm me portierin Dashamir Xhika. Pas këtij takimi mban kreun e klasifikimit me 37 pikë, 3 më shumë se Kukësi i vendit i dytë, ndërsa Luftëtari i largohet zonës së rënies nga Kategoria Superiore duke barazuar me pikë Tiranën (17).
Komenti minutë pas minute:
90’+9- Mbaron ndeshja në barazim 1-1.
90’+6- Luftëtari flak mundësinë për të fituar. Mezani revoltohet me lojtarin e tij.
90′-Arbitri akordon 9 minuta shtesë.
70′- Vjen ambulanca e dytë. Hoxha dërgohet në spital.
64′-Alban Hoxha lë fushën me krah të fashuar. Dashamir Xhika hyn në fushë.
60′- Hoxha përplaset me Ramadanin. Ambulanca hyn në fushë dhe transporton Ramadanin. Gega thërret Xhikën.
54′- Ymeraj merr zvarrë mbrojtjen e Partizanit dhe realizon gol të çmendur.
46′- Fillon pjesa e dytë në Gjirokastër.
45′- Gjyqtari i katërt jep 1 minutë shtesë, por rezultati mbetet i pandryshuar.
36′- Partizani shënon golin e parë. Esat Mala bën gjithcka bukur në zonë dhe arrin të mposhtë portierin Ruçi.
35′- Goditje dënimi për Luftëtarin. Vasil Shkurtaj provon nga larg, por gjithcka është për t’u harruar.
31′- Goditje dënimi në favor të Partizanit. Kroson Trashi, por largon portieri Ruci.
28′- Karton i verdhë në dëm të Ramadanit. Kapiteni humb ndeshjen e radhës.
25′- Loja zhvendoset të luhet më shumë në mesin e fushës. Asnjëra nga skuadrat nuk pajtohet me rezultatin.
11′- Këtë herë është Partizani që çon topin në rrjetë, por Jurgen Bardhi është në pozicion jashtë loje.
5′- Moment i mirë për Luftëtarin. Shkurtaj merr një asist në zonën e të kuqve, por shtatlarti ndodhet në pozicion jashtë loje. Topi ndalet në shtyllë, por aksioni zhvlerësohet nga fërshëllima e gjyqtarit.
1′- Topi i parë shkelmohet nga miqtë.
Loading ...
