Dinamo u mposht nga Tirana në Elbasan Arena me rezultatin 2-3 duke nisur sezonin e ri me humbje. Pas ndeshjes, trajneri Di Biagio dha prononcimin e tij për MCN TV.
"Kemi bërë një ndeshje të mirë, djemtë luajtën mirë. Kemi gjëra shumë për të bërë por është ndeshja jonë e parë zyrtare. Kemi luajtur ndaj një skuadre që ishte në vendin e parë sezonin e fundit pavarëisht se u ndanë ashtu me Partizanin. Pavarëisht rezultatit, jam i kënaqur për këtë ndeshje.
Këtu është vendi për të bërë dy diskutime. Për rezultatin nuk jam i kënaqur, përsa i takon ndeshjes dhe lojës jam i kënaqur pasi luftuam, guxuam dhe djemtë donin ta fitonin ndeshjen. Allmuca, Andoni bënë mirë. Krasniqi pati nëj shqetësim dhe m’u desh ta largoja. Jam i kënaqur për atë që dhanë, edhe Smaçi. Provova ta fitoj ndeshjen duke aktivizuar jo vetëm Vokrrin, por edhe Tushen.
Kjo do të jetë Dinamo apo do të ketë afrime të reja? Jam i kënaqur për këta lojtarë, klubi po punon dhe unë nuk e di cdo të ndodhë këto ditë. Mentaliteti duhet të jetë ky, nuk jemi akoma gati.
Mund të vepronit ndryshe për të shmangur humbjen? Mund të përmirësojmë, por unë kërkova fitoren në fund. Golat që pësuam ishin dy me penallti dhe një me aksion."
Lexo gjithashtu
