Rei Manaj duket që nuk do të jetë pjesë e zikaltërve sezonin e ardhshëm, ose të paktën jo në planet e ekipit të parë. Kjo duket e qartë nga lista e përpiluar nga tekniku italian Roberto Mançini, i cili nuk e ka futur në listën e grumbullimit të skuadrës për sezonin e ardhshëm. Mançini ka lënë jashtë listës së tij sulmuesin e talentuar shqiptar i cili prej disa ditësh është në Shqipëri me pushime. Një mesazh i qartë që ai duhet të kërkojë të sistemohet në një klub të ri, ose të huazohet nëse dëshiron të luajë rregullisht, ose do të mbetet pjesë e akademisë së klubit zikaltër, për t’u aktivizuar me të rinjtë.
Lista e Interit për fazën përgatitore:
Portierë: Berni, Karrizo, Handanoviç, Radu
Mbrojtës: Andreolli, D’Ambrosio, Dela Xhiovana, Dodo, Huan Hesus, Miangue, Miranda, Nagatomo, Ranokia, Santon, Jao
Mesfushorë: Besa, Gnoukuri, Kondogbia, Melo, Zonta
Sulmues: Bakajoko, Biabiani, Ikardi, Jovetiç, Palasio, Pinamonti
[gallery columns="1" size="full" ids="12800"]
Lexo gjithashtu
