24 orë para fillimit të kampionatit, Superiorja ka marrë një goditje të rëndë pasi një futbollist i Bylisit ka rezultuar pozitiv me COVID-19. Edhe pse fillimisht s’u bë me dije identiteti i lojtarit, tanimë mësohet se bëhet fjalë për Eridon Qardakun. Talenti shkodran ka udhëtuar para disa ditësh në vendlindje, prej nga ku dyshohet se ka marrë dhe virusin.
Hetimi epidemiologjik po vijon punën, ndërsa tanimë e gjithë skuadra është izoluar. Por si të mos mjaftonte kjo, mësohet se ai ka qenë pjesë e ndeshjes miqësore të zhvilluar ditën e shtunë mes Apolonisë dhe Bylisit që përfundoi me shifrat 0-3. Kësisoj edhe lojtarët e ekipit fierak duhet të karantinohen derisa të mbyllet hetimi epidemiologjik.
