Kukësi pavarësisht se gjatë fazës së tretë të kampionatit arriti të bënte mjaft mirë dhe të grumbullonte pikë të rëndësishme, përsëri duket se atmosfera te verilindorët nuk është aspak pozitive.
Lojtarët prej 4 ditësh kanë bojkotuar stërvitjen, teksa të gjithë futbollistët kanë qenë çdo ditë prezent por kanë refuzuar të nisin përgatitjet, pasi pretendojnë për rrogat e prapambetura.
Por sipas “Supersport” futbollistët kanë marrë premtimin nga drejtuesit se kjo situatë do të zgjidhej mënjëherë pas duelit me Tiranën, takim i vlefshëm për javën e 28-të të Abissnet Superiore.
Me të marrë premtimin nga drejtuesit, lojtarët kanë zbritur në fushë dhe kanë nisur stërvitjen për duelin me kampionët që do të luhet ditën e hënë në orën 18:00.
Kujtojmë se Kukësi aktualisht mban vendin e 6-të në tabelën e klasifikimit me 35 pikë, -6 nga Egnatia e vendit të 3-të dhe +2 nga Laçi që mban vendin e “Play-Out”.
Lexo gjithashtu
