Për ish-kapitenin Liverpoolit të famshëm të viteve '70-'80 Phil Thompson finalja e së dielës së Ligës së Kampioneve midis dy gjigandëve të futbollit europian Liverpoolit dhe Real Madridit ka një peshë më të madhe se një finale e Kupës së Botës.
Thompson ka folur me superlativat më të mëdha për lavdinë dhe përkrahjen që gëzojnë këto dy skuadra në mbarë botën.
" Janë të gjithë të kuqtë kundër të bardhëve. Do të jetë një skenë e jashtëzakonshme. Ju filloni të kuptoni se kjo është ndeshja më e ndjekur në futbollin botëror, më shumë se një finale e kampionatit botëror.
Lavdia të fton dhe përjetësia pret", deklaron për "talkSPORT" qendërmbrojtësi i Liverpoolit.
Thompson e ka fituar medaljen e kampionit të Europës tre herë, ku në dy raste ka patur luksin të ngre 2 herë trofeun më të cmuar të futbollit europian në rolin e kapitenit të "Të Kuqve".
Lexo gjithashtu
