Lineker sulmon Pogbanë, ja çfarë mendon anglezi!

A është Pol Pogba lojtari më i mbivlerësuar? Kjo është pyetja që ngre ish-sulmuesi i Anglisë, Geri Lineker, në një postim në “twiter”. Gjithçka vjen pas ndeshjes së Francës me Irlandën , ku mesfushori i Juventusit, nga i cili pritet shumë, shkaktoi atë 11-metërsh, që mund të kishte pasoja të mëdha, nëse Greizman nuk do të shënonte dy herë për të zotët e shtëpisë në pjesën e dytë. Për Pogbanë ka pasur shumë polemika gjatë Europianit, pasi nuk ka dhënë asgjë, madje është shfaqur nervoz dhe ka reaguar me gjeste. Ende nuk ka shënuar, por nuk po bind edhe me nivelin e lojës së tij deri tani, ndaj dhe anglezi e sulmon, duke menduar se është mbivlerësuar.