Mbrëmjen e djeshme u luajt edhe sfida mes Napolit dhe Lazios, takim që përfundoi me fitoren e skuadrës së Elseid Hysajt 1-0. Në këtë mënyrë mbrojtësi i kombëtares shqiptare fitoi derbin me Amir Rrahmanin.
Por kjo përballje nuk ka kaluar pa incidente. Gjatë ndeshjes në fushën e lojës janë hedhur flakadanë dhe 9 fishekzjarre nga tifozët e Lazios. Njëra prej të cilave ra në sektorin e poshtëm të tribunës A. Një tifoz i Napolit, i cili ishte një fëmijë, e mori në duar atë, por ajo shpërtheu në duart e tij duke i shkaktuar dëmtime.
Personeli falë pamjeve nga sistemi i vëzhgimit, ka identifikuar tre autorët të ndezjeve të mjeteve pyroteknike dhe hedhjen e tyre. Një 22-vjeçar nga Velletri dhe dy romakë, 24 dhe 35 vjeç, këta dy të fundit me precedentë të mëparshme kriminale, u arrestuan për hedhjen e materialeve të rrezikshme në aktivitetet sportive.
Agjentët e infiltruar të policisë vendase gjithashtu kanë ndaluar rreth 18 persona për shkak se posedonin lëndë narkotike me vete. Tetë persona të tjerë janë arrestuar për shkaqe të ndryshme, ku njëri prej tyre për shkak se sulmoi një punonjës të stadiumit.
Lexo gjithashtu
