Flamurtari fiton gjyqin ndaj Nijas Lenës. Mesfushori që aktualisht është pjesë e Kukësit kishte dërguar në Dhomën e Zgjidhjes së Konflikteve pranë FSHF-së pretendimin e tij për disa rroga të papaguara nga klubi vlonjat nga koha kur aktivizohej me Flamurtarin.
Por, DHZK i ka dhënë të drejtë klubit vlonjat, duke qenë se edhe vetë administratori i Flamurtarit, Sinan Idrizi kishte deklaruar se lojtari ishte larguar me dëshirë nga skuadra duke bërë një marrëveshje për çështjen e pagave.
Flamurtari dhe Lena kanë ngritur pretendimet e tyre për këtë çështje, por së fundmi ka qenë DHZK-ja që i ka dhënë të drejtë klubit vlonjat.