Pas skualifikimit të Italisë nga Botërori "Rusi 2018" ka folur për mediat italiane "legjenda" e Italisë, Gianluigi Buffon, i cili mes lotësh u ka kërkuar falje tifozëve italianë për këtë disfatë përballë Suedisë.
"Më vjen keq! Më vjen shumë keq! Jo për veten, por për të gjithë. Është një disfatë e madhe. Nuk doja që ta mbyllja në këtë mënyrë me Italinë në ndeshjet zyrtare. Na mungoi energjia dhe kthjelltësia për të shënuar. Suedia luajti si në ndeshjen e parë, duke u mbrojtur mirë. Kemi krenari, forcë. Jemi kokëfortë dhe ndaj kemi të ardhme! E ardhmja e futbollit italian? Nuk është se nuk kemi forcë. Donnarumma, Perin janë e ardhmja. Një përqafim për të gjithë ata që më mbështetën. Ventura? Ai ka të njëjtat gabime si ne dhe të gjithë italianët ", është shprehur Gianluigi Buffon pas skualifikimit nga Botërori "Rusi 2018".
[gallery columns="1" size="full" ids="169578"]
Lexo gjithashtu
