Tekniku i Luftëtarit Gentian Mezani deklaroi pas barazimit me Partizanin 1-1 se ekipi ishte përgatitur për ta fituar takimin. Për Supersport, një barazim në shtëpi është humbje.
"Pjesën e parë kemi falur një pjesë loje. Kemi qenë jashtë loje. Pjesën e dytë doja të nxirrja pak nga karakteri im. Por nuk duhet të jetë vetëm kjo ndeshje për të dhënë më të mirën. Ishim të përgatitur ta fitonim. Sërish falim pjesë ndeshjeje. Këtë duhet ta shohim sërish, ta studiojmë.
Ikin dy lojtarë. Rroca ka ikur. Është i tretë lojtar nga kontigjenti që ikën. Ekipi sa vjen dhe dobësohet. Kemi diskutuar me drejtuesit. Kemi vendosur piketat për merkaton. Shpresojmë ta përforcojmë skuadrën. Largimi i Rrocës e dobëson skuadrën.
Premiot? E motivojnë skuadrën. Na është thënë se kjo premio është nga presidenti ynë. Për pjesën e jashtme për palë të treta nuk di gjë.
Duhet të jemi profesionistë të gjithë. Por është detyra për të gjithë të japim më të mirën. Lojtarët kanë firmosur dhe do t'i marrin në fund pagesat. Si lojtarë, si sportista të bëjmë detyrën në fushë.
Unë do të dëshirja të flisnim për ndeshjen, jo vetëm për lekët. Lekët i do dhe mbreti. E kam shprehur gjatë gjithë kohës mendimin tim. Janicic ka dëmtuar shpatullën në stërvitje. Nuk ishte në gjendje të luante sot. Jam i sinqertë në ato që them.
Acka e ka zëvendësuar shumë besimin. Më ka habitur se ka luajtur pak. Rrapo po të kishte realizuar atë rast do të merrte notë më të mirë. Vërtet kemi bërë një pjesë të mirë, kemi qenë të papërqëndruar gabonim në pasime. E pashë ekipin që para ndeshjes me Skënderbeun ishte e motivuar. Por një ndeshje në shtëpi, duke ditur dhe karakterin tim, barazimi në fushën tënde është humbje", përfundoi tekniku vlonjat.
Lexo gjithashtu
