Disa prej klubeve të Superligës së Kosovës dihet se kanë probleme financiare, i tillë është rasti i klubit të Flamurtarit. Deklarata shokuese ka qenë ajo e portierit kuqezi, Ervin Hallunaj, i cili është larguar para tre javësh nga skuadra, duke deklaruar se nuk e kanë larguar, por ka ikur vetë, kjo për shkak të problemeve financiare që ka klubi ku "gardiani" bënte pjesë.
"Nga Flamurtari jam larguar për arsye financiare dhe nuk kisha se si të vazhdoja më aty. Nuk më ka larguar askush, por jam larguar vetë. Nuk është momenti të flasim për borxhe. Thjesht di të them se te Flamurtari nuk janë paguar lojtarët që prej tre muajsh", është shprehur Hallunaj.
Lidhur me kohën që ka kaluar te Flamurtari, Ervin Hallunaj është shprehur: "Te Flamurtari kam kaluar shumë mirë. Kam shumë miq në Kosovë dhe Flamurtarit i uroj suksese. Por, besoj që aventura ime do të vazhdoj sërish në Kosovë, kuptohet, jo më te Flamurtari", ka mbyllur deklaratën e tij, ishi i kuqezinjve.
Lexo gjithashtu
