Shkëlzen Gashi pritet të jetë largimi i parë nga kombëtarja shqiptare e futbollit. Në një postim në “facebook”, ai nuk ka zgjedhur që të komentojë pas lajmit të përhapur që do të braktisë kombëtaren shqiptare, por ka falënderuar të gjithë të pranishmit që dolën ditën e djeshme për t’i pritur. “Faleminderit për një pritje kaq të bukur”, shkroi Gashi. Ai la të nënkuptohet që gjërat me përfaqësuesen shqiptare nuk po i shkojnë si duhet. Rasti i humbur me Zvicrën, i djeg shumë sulmuesit, që duket të ketë lënë shije të hidhur edhe te stafi teknik i kombëtares. Flitet për një konflikt të mundshëm mes tij dhe ndihmës-trajnerit, Tramezzanit menjëherë pas ndeshjes, ku ky i fundit i ka kërkuar llogari sulmuesit për atë rast të artë.
